蚊人_蚊人好看吗

摘要： 之前就话左比大家知道曼谷应该去边度买野不过应该买d咩呢？行李额咁贵买d咩翻黎最着数？曼谷有咩特色手信可以买？从今日开始一连几日都会推荐曼谷shopping买d咩购物狂请拿稳你个荷包...

之前就话左比大家知道曼谷应该去边度买野

不过应该买d咩呢？

行李额咁贵买d咩翻黎最着数？

曼谷有咩特色手信可以买？

从今日开始一连几日都会推荐曼谷shopping买d咩

购物狂请拿稳你个荷包！抱紧我嘅大腿~

首先

第一样当然系食食食

泰国嘅美味小食基本上都系唔可以带走

只可以带个胃过去食

所以可以带翻黎嘅就只有零食啦！

以下提到嘅零食

泰国嘅七仔同埋Big C超级市场基本都有售哦！

第一样当然系街知巷闻嘅小老板紫菜啦！

呢个紫菜已经系中国迅速火左起身

有好几种包装

有一包包嘅

都有一条条嘅

个人比较中意脆紫菜卷

因为唔会食邋遢只手

写稿嘅时候每次都要食好几条

（一条真系唔够过瘾啊！！！）

目前广州可以买到嘅味道有六种

分别系冬阴功、香辣、辣鱿鱼、原味、椰子、烧烤味

如果大家系泰国见到买唔到嘅味可以考虑下带

第二样系网上好多人安利嘅皇家牧场牛奶片

听讲呢个系泰国人从小食到大嘅营养品兼零食

有朱古力味同牛奶味

非常香浓嘅牛奶味

听讲完胜国内某某奶片

香甜而唔腻

朱古力味反而更加清淡

融合得好好

更加适合口味清淡嘅人

泰国皇家牌蜂蜜

泰国七仔就有得卖

（虽然唔知道几钱，但系七仔有卖，就证明价格亲民）

包装好特别

好似一支洗面奶咁

其实人地系皇家蜂蜜黎噶！

呢个系泰国“皇家计划”嘅商品

所以质量非常有保证哦~

听讲同款仲有炼奶

MEIJI草莓牛奶&香蕉牛奶

听讲呢个牛奶系泰国先卖几蚊人仔！

而且系非常好饮又大众嘅饮品哦~

无论系草莓味定系香蕉味都系非常香甜

浓郁水果香

系广州都有得买

但系就肯定冇泰国买咁便宜啦

所以建议大家系泰国多d饮

（带嘅话比较重...唔太建议）

MaMa 牌泡面

一定要试试

超级正

面爽汤鲜

系屋企都会成日食嘅快食面

非常东南亚风~

泰式酸辣汤非常地道

有袋装或者盒装

因为比较占地方同埋比较容易碎

不过去到泰国咁多好食

都唔使食杯面啦~

都系买翻黎先食啦！

Bento超味鱿鱼

超级多人安利嘅一款小零食~

非常好食嘅鱿鱼片~

闻上去有小小腥

但系会食上瘾哦！

总共有橘色(大辣)、红色(中辣)、蓝色(小辣)三种

泰国7-11或超市都有卖

价格在20泰铢左右

TARO鳕鱼香丝

家喻户晓嘅一种鳕鱼丝

其实以前有个叫渔趣嘅中国牌子都出过

（好似系叫呢个名..太耐了记唔清）

其实就系将鳕鱼肉打成浆

然后再铺薄烘干

所以其实系非常有营养+健康嘅零食哦！

而且口味非常多哦

有原味、辣味、BBQ、韩式烧肉、泰式沙拉等等

选择困难症嘅话就只可以全部买买买啦！

折翻过黎都系几蚊人仔

非常抵食

（咳...下面呢张系淘宝稳嘅图）

泰薯条

薯条饼干~

仲配有番茄酱

好似真系食薯条咁

香脆可口

虽然呢个网上安利得比较少

但系个人觉得都系可以试试

大哥花生豆

　　经典泰式零食

有鸡味、虾味、椰浆味、烧烤味、芥末味、咖啡味等多种口味

满足唔同口味嘅小伙伴

每种口味都非常有特色

饮酒倾计就最正啦~

外面嘅皮唔会太厚

非常脆又好好味

加上入边香脆嘅花生

实在太正~

手标红茶

如果你想系泰国以外嘅地方都饮到泰式奶茶

咁你就一定要买呢个手标红茶啦

因为泰国大部分嘅奶茶都系用呢个牌子嘅红茶黎冲泡

充一杯红茶

再加上炼奶

就系正宗嘅泰式红茶啦！

手标红茶在泰国嘅超市里都有卖哦

泰国版格力高

基本上所有攻略都会安利嘅一款零食

味道good价格nice

收到广大泰国人民同外来游客嘅欢迎

记得一定要睇清楚买泰国生产嘅版本

香蕉可可真系超级无敌好食

如果你见到其他中国买唔到嘅味道你都可以试试

听讲都唔错

不过因为都系盒装

唔重但系占地方

香蕉可可味阿华田

泰国盛产香蕉

所以泰国好多野都中意用香蕉整

呢个香蕉阿华田

淋淋都觉得非常香甜

网上评价系“香味浓郁 甜度适中”

逛街嘅时候可以饮一杯补充能量

而且便利店就有了哦~

各种水果干同坚果

众所周知泰国系热带国家

所以一年四季都有甜美嘅水果

生鲜水果系唔可以带上飞机噶

要出示检疫证明...

所以最好嘅办法就系！

带水果干~

泰国水果干种类真系超级无敌多！

榴莲干芒果干呢d就系必买嘅

仲有各种坚果类品质都系非常正而且唔贵

咁零食就安利到呢度啦

其实我个人建议就系可以系中国买到嘅就尽量系中国买

毕竟飞机行李额都唔便宜

带零食嘅话可能运费成本仲贵过零食

去过泰国嘅你地仲知道咩超好食嘅零食呀~

记得同我分享啦~

你有什么想去的地方？

你想知道哪里的攻略？

小编哪里还做得不够好？

欢迎在公众平台留言

或者私信我哦~

私人微信：KuangRenLY

么么哒(づ￣ 3￣)